İşəgötürənlərin əmək münasibətlərində bərabər əməkhaqqının təmin edilməsi ilə bağlı öhdəlikləri daha da konkretləşdirilir.

Milli Məclis-in bugünkü iclasında müzakirəyə çıxarılan Əmək Məcəlləsi və “Gender (kişi və qadınların) bərabərliyinin təminatları haqqında” qanuna təklif edilən dəyişikliklər layihəsində bu məsələ öz əksini tapıb.

Dəyişikliklərə əsasən, işəgötürənlər cinsindən asılı olmayaraq eyni və ya bərabər dəyərli işi yerinə yetirən işçilərə bərabər əməkhaqqı ödəməyə borclu olacaq. Eyni zamanda, eyni pozuntuya görə fərqli intizam tənbehinin tətbiqi, eləcə də cinsi ayrı-seçkilik və seksual qısnamanın qarşısının alınması üçün zəruri tədbirlərin görülməsi də işəgötürənlərin əsas vəzifələri sırasına daxil edilir.

Layihədə “bərabər dəyərli iş” anlayışının müəyyənləşdirilməsi əmək şəraiti, əmək funksiyasının xarakteri və mövcud tarif-ixtisas sorğu kitabçaları əsasında həyata keçiriləcək.

Qeyd olunub ki, dəyişikliklər Beynəlxalq Əmək Təşkilatı-nın 100 nömrəli Konvensiyası və Avropa Sosial Xartiyası-na uyğunlaşdırma məqsədi daşıyır.
Sənəd səsverməyə çıxarılaraq Milli Məclisdə birinci oxunuşda qəbul edilib.