İtaliyanın Baş naziri Corcia Meloninin yaxın həftələrdə Azərbaycana rəsmi səfəri gözlənilir.

Məlumata görə, səfərin əsas məqsədi Bakı və Roma arasında siyasi dialoqun gücləndirilməsi, həmçinin enerji sahəsində əməkdaşlığın genişləndirilməsidir.
Görüşün may–iyun aylarında baş tutacağı bildirilir.
Səfər, iki ölkə arasında davam edən siyasi və iqtisadi əməkdaşlıq çərçivə sazişinin tərkib hissəsi kimi qiymətləndirilir.

Qeyd olunur ki, enerji sektoru Azərbaycan və İtaliya münasibətlərində əsas istiqamətlərdən biridir.

Azərbaycan təbii qazı İtaliyaya Trans-Adriatik Boru Kəməri (TAP) vasitəsilə ixrac edir. Bu kəmər Cənub Qaz Dəhlizi layihəsinin mühüm hissəsi olmaqla, Xəzər regionunu Avropa bazarları ilə birləşdirir.

Səfərin ikitərəfli münasibətlərə və enerji əməkdaşlığının daha da dərinləşdirilməsinə töhfə verəcəyi gözlənilir.

Qanuntv.az