Bu gün Dövlət İmtahan Mərkəzi (DİM) tərəfindən ölkə üzrə müxtəlif imtahanlar təşkil olunur.

DİM-dən verilən məlumata görə, imtahanlar aşağıdakı istiqamətləri əhatə edir:

●Əvvəlki illərin məzunları üçün qəbul imtahanının I mərhələsi (V ixtisas qrupu üzrə)

●11 illik təhsil bazasında kolleclərə qəbul imtahanı
Xarici dil üzrə əlavə imtahanlar

●Buraxılış imtahanlarında iştirak edə bilməyən şagirdlər üçün əlavə imtahanlar

●Eksternat qaydasında XI sinif üzrə yekun attestasiyada iştirak edənlər üçün buraxılış imtahanı

● Naxçıvan MR üzrə XI sinif şagirdlərinin buraxılış imtahanı

İmtahanlar Bakı, Sumqayıt, Gəncə, Şəki, Lənkəran, Mingəçevir, Şirvan, Quba, Xaçmaz, Xankəndi və digər şəhər və rayonlarda keçirilir. Proses saat 11:00-da başlanır, saat 10:45-dən sonra isə iştirakçıların imtahan binalarına girişi dayandırılır.

İştirakçılar imtahana buraxılış vərəqəsi və şəxsiyyəti təsdiq edən sənədin əsli ilə gəlməlidirlər.

Ümumilikdə 37 min 338 nəfərin imtahanda iştirakı nəzərdə tutulur. Onların arasında sağlamlıq imkanları məhdud abituriyentlər də var və onlar üçün xüsusi şərait yaradılıb.

İmtahan prosesinin idarə olunmasına minlərlə nəzarətçi və imtahan rəhbəri cəlb olunub.