Azərbaycan Respublikasının Prezidenti İlham Əliyev Filippin Respublikasının Prezidenti Ferdinand Romualdez Markosa təbrik məktubu göndərib.

Qanuntv.az xəbər verir ki, dövlət başçısı Filippinin milli bayramı – Müstəqillik Günü münasibətilə Prezident Ferdinand Romualdez Markosa və Filippin xalqına ən səmimi təbriklərini çatdırıb.

Prezident İlham Əliyev məktubunda Azərbaycan ilə Filippin arasında dostluq və əməkdaşlıq münasibətlərinin mövcud olduğunu qeyd edib, bu əlaqələrin xalqların mənafelərinə uyğun olaraq gələcəkdə də inkişaf etdirilməsi və genişləndirilməsi istiqamətində birgə səylərin davam etdiriləcəyinə əminliyini ifadə edib.

Dövlət başçısı Filippin Prezidentinə möhkəm cansağlığı, xoşbəxtlik, dost Filippin xalqına isə əmin-amanlıq və firavanlıq arzulayıb.