Bu gün Azərbaycanda 2025–2026-cı tədris ili başa çatır və ölkənin bütün ümumi təhsil müəssisələrində “Son zəng” tədbirləri keçirilir.

Qanuntv.az xəbər verir ki, bu il respublika üzrə 116 550 şagird XI sinfi bitirərək məzun adını qazanır.

Onlardan 55 954 nəfəri qız, 60 596 nəfəri isə oğlandır.

Qeyd edilir ki, “Son zəng” mərasimləri hər bir məktəbdə ayrı-ayrılıqda təşkil olunur və şagirdlərin məktəb həyatına rəsmi şəkildə vida etməsini simvolizə edir.

İşğaldan azad olunmuş ərazilərdə yerləşən 25 ümumi təhsil müəssisəsində də “Son zəng” tədbirləri keçirilir. Onlardan 11 məktəbdə bu il ilk dəfə “Son zəng” çalınır və ümumilikdə 171 məzun məktəblə vidalaşır.

Xatırladaq ki, 2025–2026-cı tədris ili 15 sentyabrda başlayıb və bu gün yekunlaşır.