Şimali Kipr Türk Respublikası (ŞKTR) parlamentinin sədri Ziya Öztürkler Azərbaycana işgüzar səfərə gəlib.
Bu barədə Milli Məclisin Mətbuat və ictimaiyyətlə əlaqələr şöbəsindən məlumat verilib.
Səfər çərçivəsində ŞKTR parlamentinin rəhbəri Bakıda keçirilən İslam Əməkdaşlıq Təşkilatının üzvü olan dövlətlərin Parlament İttifaqı Konfransının 20-ci sessiyasında iştirak edəcək.
Qeyd edək ki, sessiyada müxtəlif ölkələrin parlament nümayəndə heyətləri və beynəlxalq təşkilatların təmsilçiləri iştirak edir. Tədbirdə parlamentlərarası əməkdaşlıq, iqtisadi inkişaf və digər aktual məsələlər müzakirə olunur.
