İyunun 29-da Azərbaycanın Birinci vitse-prezidenti nin sədrliyi ilə Rəqəmsal İnkişaf Şurasının ilk iclası keçirilib.

İclasda çıxış edən Mehriban Əliyeva bildirib ki, ölkənin yeni rəqəmsal inkişaf strategiyası çərçivəsində qarşıdakı üç il üçün rəqəmsallaşma, süni intellekt, kibertəhlükəsizlik və innovasiya ekosisteminin inkişafını əhatə edən konkret yol xəritəsi müəyyənləşdirilib.



Birinci vitse-prezident qeyd edib ki, Şuranın əsas məqsədi dövlət qurumları arasında koordinasiyanı təmin etmək, vahid yanaşma formalaşdırmaq və qəbul edilən qərarların səmərəli icrasına nail olmaqdır.

O vurğulayıb ki, məqsəd yalnız yeni texnologiyaların tətbiqi deyil, eyni zamanda ölkə iqtisadiyyatının inkişafına təkan vermək, müasir innovasiya ekosistemi yaratmaq, investisiyaları cəlb etmək, startaplara dəstək göstərmək və daha çevik dövlət idarəetmə sistemi qurmaqdır.

İclasda rəqəmsal inkişaf və nəqliyyat naziri "Rəqəmsal inkişafın sürətləndirilməsinə dair 2026–2028-ci illər üçün Fəaliyyət Planı"nın icrası barədə məlumat verib.

Nazir bildirib ki, fəaliyyət planı rəqəmsallaşma, süni intellekt, innovasiya ekosistemi və kibertəhlükəsizlik istiqamətləri üzrə 58 təşəbbüsü əhatə edir. Həmçinin 40 dövlət qurumu ilə yol xəritələrinin hazırlandığı, onlardan 13-nün təsdiqləndiyi və ya təsdiq mərhələsində olduğu qeyd olunub.

Rəşad Nəbiyev "MyGov" platformasının inkişafı, dövlət informasiya sistemlərinin hökumət buluduna köçürülməsi, yeni data mərkəzinin yaradılması və süni intellekt həllərinin tətbiqi ilə bağlı görülən işlərdən danışıb.

İclasda Prezident Administrasiyasının İqtisadi məsələlər və innovativ inkişaf siyasəti şöbəsinin müdiri rəqəmsal sahədə qanunvericilik islahatları barədə məlumat verib.

Elm və təhsil naziri isə təhsilin rəqəmsallaşdırılması, "Rəqəmsal məktəb", "Rəqəmsal bacarıqlar" və "STEAM Azərbaycan" layihələri barədə təqdimat edib.

İclas müzakirələrlə davam etdirilib.