Məktəbin nüfuzu ilk növbədə orada verilən təhsilin səviyyəsi, şagirdlərin nəticələri və yaradılan tədris mühiti ilə ölçülür. Bu baxımdan hər bir məktəb rəhbərinin əsas vəzifəsi təhsil prosesini düzgün qurmaq, müəllim fəaliyyətinə nəzarət etmək və şagirdlərin inkişafı üçün sağlam mühit yaratmaqdır.

248 saylı tam orta məktəbdə isə tədrisin təşkili və dərslərin keyfiyyəti ilə bağlı narazılıqların olduğu bildirilir. Valideynlərin fikrincə, məktəbdə təhsil prosesinə daha tələbkar yanaşılmalı, dərslərin səmərəliliyi artırılmalı və şagirdlərin nəticələrinin yüksəldilməsi üçün daha ciddi iş aparılmalıdır.

Səslənən iradlar ondan ibarətdir ki, məktəbdə təhsil yalnız gündəlik dərs cədvəlinin icrası ilə məhdudlaşmamalı, əsas məqsəd şagirdlərə keyfiyyətli bilik vermək olmalıdır. Bunun üçün müəllimlərin fəaliyyəti düzgün qiymətləndirilməli, zəif nəticələrin səbəbləri araşdırılmalı və problemlərin həlli istiqamətində konkret tədbirlər görülməlidir.

Məktəb rəhbərliyi qarşısında duran əsas məsələ təhsil mühitində məsuliyyəti artırmaq, valideynlərin narahatlıqlarına diqqətlə yanaşmaq və məktəbin nəticələrini daha yüksək səviyyəyə çatdırmaqdır.

Təhsil sahəsində rəhbər vəzifə yalnız idarəçilik deyil, həm də böyük məsuliyyət tələb edir. Şagirdlərin gələcəyi naminə hər bir məktəbdə keyfiyyətli dərs, düzgün nəzarət və şəffaf yanaşma təmin olunmalıdır.

Qeyd edək ki, səsləndirilən fikirlərlə bağlı məktəb rəhbərliyinin mövqeyini dərc etməyə hazırıq.