Hər bir cəmiyyətin inkişaf səviyyəsi onun təhsilə verdiyi dəyərlə ölçülür. Bu inkişafın başlanğıc nöqtəsi isə məhz məktəbəqədər təhsil müəssisələrindən keçir. Uşaqların ilk biliklərə yiyələndiyi, ünsiyyət bacarıqları qazandığı, mənəvi keyfiyyətlərinin formalaşdığı bu mərhələdə peşəkar və qayğıkeş rəhbərliyin rolu olduqca böyükdür.
Abşeron rayon 18 saylı Körpələr Evi–Uşaq Bağçasının müdiri Aygün Həsənova öz fəaliyyəti ilə məktəbəqədər təhsil sahəsində nümunəvi idarəçilik modelini nümayiş etdirən rəhbərlər sırasında xüsusi yer tutur. Onun rəhbərlik etdiyi müəssisədə uşaqların hərtərəfli inkişafı, təhlükəsiz və komfortlu mühitdə böyüməsi, sağlam mənəvi dəyərlər əsasında formalaşması əsas prioritet istiqamətlərdən biri kimi müəyyənləşdirilmişdir.
Aygün Həsənovanın rəhbərlik etdiyi bağçada təlim-tərbiyə prosesi müasir dövrün tələblərinə uyğun şəkildə təşkil olunur. Burada uşaqların yaş xüsusiyyətlərinə uyğun inkişaf proqramlarının tətbiqi, onların yaradıcılıq imkanlarının genişləndirilməsi, estetik zövqünün formalaşdırılması və sosial bacarıqlarının inkişaf etdirilməsi istiqamətində mühüm addımlar atılır.
Uşaqlara sevgi və diqqətlə yanaşmaq, onların daxili potensialını üzə çıxarmaq, gələcəyə inamla addımlayan fərdlər kimi yetişmələrinə dəstək olmaq Aygün Həsənovanın fəaliyyətinin əsas prinsiplərindən biridir. O, hesab edir ki, məktəbəqədər təhsil yalnız öyrətmək deyil, həm də uşaqlarda həyat sevgisi, özünəinam və cəmiyyətə faydalı insan olmaq duyğusunun formalaşdırılması deməkdir.
Müxtəlif maarifləndirici tədbirlər, yaradıcı layihələr, bayram proqramları və inkişafyönümlü məşğələlər vasitəsilə bağçada uşaqların dünyagörüşünün zənginləşdirilməsi, onların milli-mənəvi dəyərlərə bağlı böyüməsi üçün əlverişli şərait yaradılır. Bu istiqamətdə valideynlərlə qurulan səmərəli əməkdaşlıq münasibətləri də müəssisənin fəaliyyətində mühüm yer tutur.
Aygün Həsənovanın peşəkarlığı, təşəbbüskarlığı və məsuliyyətli yanaşması nəticəsində Abşeron rayon 18 saylı Körpələr Evi–Uşaq Bağçası öz fəaliyyəti ilə nümunəvi məktəbəqədər təhsil müəssisələri sırasında layiqli mövqeyə sahib olmuşdur. Onun gələcəyimizin əmanəti olan uşaqların inkişafına göstərdiyi diqqət və qayğı təhsil ictimaiyyəti tərəfindən yüksək qiymətləndirilir.
Şübhəsiz ki, Aygün Həsənova kimi öz işini sevən, uşaqların xoşbəxt gələcəyini hər şeydən üstün tutan rəhbərlərin fəaliyyəti cəmiyyətimizin inkişafına, təhsilin tərəqqisinə və sağlam nəslin yetişməsinə xidmət edən dəyərli töhfələrdən biridir.
