Azərbaycan Respublikasının Prezidenti İlham Əliyevin müvafiq Sərəncamı ilə Rüfət Cahangir oğlu Hacıəlibəyov səhiyyə nazirinin müavini vəzifəsinə təyin edilib.
Qanuntv.az xəbər verir ki, bu barədə Azərbaycan Respublikasının Səhiyyə Nazirliyi məlumat yayıb.
Məlumata əsasən, dövlət başçısının imzaladığı Sərəncama uyğun olaraq Rüfət Hacıəlibəyov səhiyyə nazirinin müavini vəzifəsində fəaliyyət göstərəcək.
Qeyd edək ki, səhiyyə sahəsində həyata keçirilən islahatların davam etdirilməsi, tibbi xidmətlərin keyfiyyətinin yüksəldilməsi və səhiyyə sisteminin inkişafı istiqamətində aparılan tədbirlər çərçivəsində kadr təyinatları xüsusi əhəmiyyət daşıyır.
Yeni təyinatla bağlı aidiyyəti qurumlar tərəfindən müvafiq təşkilati tədbirlərin həyata keçirilməsi nəzərdə tutulur.
