Naxçıvan şəhərinə səfər edən Türkiyə Silahlı Qüvvələrinin Quru Qoşunları Komandanı, Ordu Generalı Metin Tokel, bölgədə sabitliyin möhkəmləndirilməsi və təhlükəsizliyin tam təmin olunması məqsədilə Türkiyənin hər zaman Azərbaycanın yanında olduğunu bildirib.
General Tokel vurğulayıb ki, tarixi Şuşa Bəyannaməsi çərçivəsində Türkiyə istənilən hərbi yardımı göstərməyə hazırdır. O, iki ölkə arasında hərbi əməkdaşlığın daha da gücləndirilməsinin vacibliyini qeyd edib və bu istiqamətdə addımların davam etdiriləcəyini açıqlayıb.
Mütəxəssislər hesab edirlər ki, Türkiyənin bu mövqeyi regional təhlükəsizliyin möhkəmləndirilməsinə və qarşılıqlı strateji əməkdaşlığın inkişafına mühüm töhfə verəcək.
