Azərbaycan Respublikasının Prezidenti İlham Əliyev Efiopiyanın Baş naziri Abiy Əhməd Əli-yə milli bayram münasibətilə təbrik məktubu göndərib.

Məktubda Azərbaycan və Efiopiya arasında münasibətlərin inkişafından məmnunluq ifadə olunub, iki ölkə arasında əməkdaşlığın son dövrlərdə daha da genişləndiyi vurğulanıb.

Dövlət başçısı xüsusilə fevral ayında Efiopiya Baş nazirinin Azərbaycana səfərini xatırladaraq, həmin görüşlərin ikitərəfli əlaqələrin inkişafına mühüm töhfə verdiyini bildirib.

Prezident İlham Əliyev məktubunda qarşılıqlı faydalı əməkdaşlığın müxtəlif sahələr üzrə davam etdiriləcəyinə əminliyini ifadə edib və Efiopiya xalqına firavanlıq arzulayıb.