Təhsil müəssisələrinin uğurlu fəaliyyətində peşəkar və məsuliyyətli rəhbərliyin rolu danılmazdır. 67 nömrəli tam orta məktəbin direktor əvəzi Əlisoy Təranə Hüseyn qızı da öz fəaliyyəti ilə həm pedaqoji kollektivin, həm də valideynlərin rəğbətini qazanan təhsil rəhbərlərindən biri kimi tanınır.

Valideynlərin sözlərinə görə, Təranə xanım məktəbdə sağlam təhsil mühitinin formalaşdırılması, şagirdlərin keyfiyyətli təhsil alması və müəllim-valideyn münasibətlərinin daha da möhkəmləndirilməsi istiqamətində mühüm addımlar atır. Onun rəhbərliyi altında məktəbdə nizam-intizamın gücləndirilməsi, tədris prosesinin təkmilləşdirilməsi və şagirdlərin sosial-mənəvi inkişafına xüsusi diqqət yetirilir.

Məktəb rəhbərinin ən çox təqdir edilən xüsusiyyətlərindən biri də valideynlərlə açıq və səmimi dialoq qurmasıdır. Valideynlər bildirirlər ki, onların müraciət və təkliflərinə həssas yanaşılır, ortaya çıxan məsələlərin həlli üçün operativ addımlar atılır. Bu yanaşma məktəb və ailə arasında qarşılıqlı etimadın daha da güclənməsinə səbəb olub.

Əlisoy Təranə Hüseyn qızının fəaliyyəti yalnız idarəçiliklə məhdudlaşmır. O, şagirdlərin vətənpərvər ruhda yetişməsi, milli-mənəvi dəyərlərə bağlı böyüməsi və cəmiyyətə faydalı vətəndaş kimi formalaşması istiqamətində həyata keçirilən tədbirlərə də xüsusi önəm verir.

Valideynlər hesab edirlər ki, Təranə xanımın peşəkarlığı, yüksək idarəçilik bacarığı və təhsilə olan məsuliyyətli yanaşması məktəbin inkişafına mühüm töhfə verir. Məhz bu xüsusiyyətlərinə görə o, məktəb ictimaiyyəti arasında hörmət və nüfuz qazanıb.

67 nömrəli məktəbin bir qrup valideyni Əlisoy Təranə Hüseyn qızına gələcək fəaliyyətində yeni uğurlar arzulayaraq, təhsil sahəsində gördüyü işləri yüksək qiymətləndirdiklərini bildiriblər.