Bu gün Azərbaycan Silahlı Qüvvələrinin igid zabitlərindən biri, "Murov Qartalı" kimi tanınan şəhid polkovnik-leytenant un doğum günüdür.
Raquf Orucov 1972-ci il iyulun 12-də anadan olub. O, uzun illər Azərbaycan Ordusunda şərəflə xidmət göstərərək Vətənin müdafiəsi uğrunda mühüm xidmətlər göstərib.
Şəhid zabit 2016-cı ilin Aprel döyüşləri zamanı qəhrəmancasına şəhid olub. Onun rəhbərliyi altında Azərbaycan Ordusu bir sıra strateji yüksəklikləri və mövqeləri düşməndən azad edib. Döyüş meydanında göstərdiyi şücaət və peşəkarlıq ona xalq arasında "Murov Qartalı" adını qazandırıb.
Raquf Orucov ölümündən sonra Azərbaycan Respublikası Prezidentinin sərəncamları ilə bir sıra yüksək dövlət təltiflərinə layiq görülüb. Onun həyat yolu və qəhrəmanlığı gənc nəsil üçün vətənpərvərlik nümunəsi hesab olunur.
Bu gün Azərbaycan xalqı və hərb ictimaiyyəti "Murov Qartalı"nın əziz xatirəsini dərin hörmət və ehtiramla yad edir.
Allah bütün şəhidlərimizə rəhmət eləsin!
Qanuntv.az
