Lənkəran şəhər Liman qəsəbə ərazi inzibati dairəsinin nümayəndəsi Bəxtiyar Səfərov uzun illərdir ki, dövlət idarəçiliyi sahəsində məsuliyyətli fəaliyyəti, yüksək təşkilatçılıq bacarığı və insanlara göstərdiyi xüsusi diqqəti ilə seçilən nüfuzlu rəhbərlərdən biri kimi tanınır.
Müasir dövrdə yerli idarəetmə orqanlarının üzərinə düşən vəzifələr olduqca məsuliyyətlidir. Vətəndaşların sosial rifahının yüksəldilməsi, onların problemlərinin vaxtında həll olunması, ərazilərdə abadlıq və quruculuq işlərinin həyata keçirilməsi dövlət siyasətinin əsas istiqamətlərindən biridir. Bu baxımdan Bəxtiyar Səfərov öz fəaliyyəti ilə dövlət-vətəndaş münasibətlərinin daha da möhkəmləndirilməsinə mühüm töhfələr verən rəhbərlər sırasında xüsusi yer tutur.
Onun rəhbərliyi dövründə Liman qəsəbəsində sakinlərin müraciətlərinə həssas yanaşılması, əhalinin sosial problemlərinin araşdırılması, ictimai məsələlərin həllinə operativ münasibət göstərilməsi və qəsəbənin inkişafı istiqamətində görülən işlər yerli sakinlər tərəfindən rəğbətlə qarşılanır. Sadəliyi, səmimiyyəti və insanlarla daim ünsiyyətdə olması Bəxtiyar Səfərovu bölgə sakinlərinə daha da yaxınlaşdıran əsas amillərdəndir.
Bəxtiyar Səfərov öz fəaliyyətində hər zaman qanunun aliliyini, dövlətçilik prinsiplərini və vətəndaş məmnunluğunu prioritet hesab etmişdir. Onun idarəçilik fəlsəfəsinin əsasını insan amili, sosial ədalət və cəmiyyətə xidmət prinsipi təşkil edir. Bu xüsusiyyətlər isə onu yalnız bir dövlət qulluqçusu deyil, həm də insanların etimadını qazanan nümunəvi rəhbər kimi xarakterizə edir.
Bu gün Liman qəsəbəsinin inkişafı, sosial sabitliyin qorunması və əhalinin rifahının yüksəldilməsi istiqamətində həyata keçirilən tədbirlərdə Bəxtiyar Səfərovun əməyini xüsusi qeyd etmək lazımdır. O, öz peşəkarlığı, zəhmətkeşliyi və dövlətə sədaqəti ilə bölgənin ictimai həyatında mühüm rol oynamaqda davam edir.
Qanuntv.az olaraq, cəmiyyətin inkişafına, dövlətçilik ənənələrinin möhkəmlənməsinə və insanlara xidmət missiyasına töhfə verən belə rəhbərlərin fəaliyyətinin işıqlandırılmasını vacib hesab edir, Bəxtiyar Səfərova gələcək fəaliyyətində yeni uğurlar və nailiyyətlər arzulayırıq.
Mənbə: Qanuntv.az
