Tarixə Tovuz döyüşləri kimi daxil olmuş bir savaşın başlanmasının 6 -cı ildönümü tamam oldu. 6 il öncə - 2020- ci il iyulun 12 - də Ermənistan Silahlı Qüvvələri və onların havadarlarının bölgədə üstünlüyü öz tərəflərinə çəkmək cəhdləri baş tutmadı. Azərbaycan Silahlı Qüvvələri həmin ilin sentyabr ayının 27-də əks hücuma keçərək işğal edilən ərazilərin böyük bir hissəsini azad etdilər. 2023 - cü il sentyabrın 19-20 - də aparılan lokal xarakterli antiterror əməliyyatları zamanı Xankəndi və Xocalı şəhərləri, həmçinin, Ağdərə və Xocavənd rayonları düşmən tapdağından azad edildi.
Bu gün şəhid General - mayor Polad Həşimov, Polkovnik İlqar Mirzəyev kimi qeyrətli oğulların ruhları şaddır. Çünki, Ali Baş Komandan İlham Əliyevin rəhbərliyi altında aparılan döyüş əməliyyatları və lokal xarakterli antiterror əməliyyatları nəticəsində işğal olunmuş ərazilər düşmən tapdağından azad olunub. Hazırda həmin ərazilərdə quruculuq işləri aparılır.
İyulun 16-da "Xocalı Soyqırımını Tanıtma" ictimai birliyinin fəalları Tovuz döyüşlərinin 6-cı ildönümünə həsr edilən tədbir keçirdilər. Tədbiri Birliyin sədri, jurnalist Şamil Sabiroğlu açdı. Azərbaycan Respublikasının Dövlət Himni səsləndirildi, şəhidlərin xatirəsi 1 dəq.lik sükutla yad edildi.
Şamil müəllim qonaqları tədbir iştirakçılarına təqdim etdi.
Milli Məclisin deputatı Ceyhun Məmmədov düşmən üzərində qazanılan qələbənin ictimai - soyasi əhəmiyyətini qeyd etdi. O, işğaldan azad olunan ərazilərdə aparılan tikinti - quruculuq işlərindən də danışdı.Qeyd etdi ki, hazırda Azərbaycan Cənubi Qafqazda söz sahibidir.
Milli Məclisin deputatı, İqtisad elmləri doktoru, Professor Rövşən Muradov anım mərasiminə toplaşanları salamladı.O, bu toplantıda gənclərin çoxluq təşkil etdiyini xüsusi qeyd etdi. Rövşən müəllim də öz çıxışında 6 il öncə baş vermişTovuz döyüşlərinin mühüm əhəmiyyətini qeyd etdi.
General - mayor, Azərbaycanın Milli Qəhrəmanı, şəhid Polad Həşimovun bacısı Kəmalə Həşimova istəkli qardaşı ilə bağlı xatirələrini bölüşdü. Kəmalə xanım tədbiri yüksək səviyyədə təşkil etdiklərinə görə Təşkilatın sədri, tanınmış jurnalist Şamil Sabiroğluya ailə üzvləri adından təşəkkür etdi. "Xocalı Soyqırımını Tanıtma" ictimai birliyinin İdarə Heyətinin üzvləri - Cavanşir Rzazadə, Elnur Abasov, həmin Təşkilatın Mətbuat Xidmətinin rəhbəri, yazıçı-publisist Mövsümağa Ədalətoğlu, Birliyin Qax, Zaqatala və Balakən Rayonları üzrə Regional şöbəsinin sədri, müharibə veteranı Vaqif Hümbətov, "Qladiator" İdman klubunun Prezidenti, bir çox beynəlxalq yarışların qalibi Azad Məmmədov, "Vətənpərvərlər" Maarifləndirmə ictimai birliyinin sədri Aynur İsayeva, İmişli rayonu A.Allahverdiyev adına Qaralar kənd tam orta ümumtəhsil məktəbinin hərbi rəhbəri, müharibə veteranı Elmidar Əsgərov, qazi, ehtiyatda olan mayor Muxtar Həşimov, "Vətənə Xidmət" Hüquqi-Sosial İnkişaf Maarifləndirmə" ictimai birliyinin həmtəsisçisi Rüstəm Həsənov, Gənclərin səsi" Platformasının rəhbəri Telman Aslanlı, ictimai fəal Şahpəri Dadaşova və başqaları çıxış edərək Tovuz döyüşlərinin Azərbaycan tarixindəki xüsusi rolunu xüsusi qeyd etdilər. "Xocalı Soyqırımını Tanıtma" ictimai birliyinin Gənclər Şurasının sədri, "Əbədi Tədbirlər" layihəsinin rəhbəri Polad ağa İbrahimov və köməkçisi Yusif Səccadın birgə hazırladıqları kompozisiya nümayiş etdirildi.
Tədbirin sonunda xatirə şəkilləri çəkildi.
Mövsümağa Ədalətoğlu,
"Xocalı Soyqırımını Tanıtma" ictimai birliyinin Mətbuat xidmətinin rəhbəri.
16.07.2026.
