Avqustun 23-də Azərbaycan Respublikasının Prezidenti İlham Əliyev və birinci xanım Mehriban Əliyeva Özbəkistanın paytaxtı Daşkənddəki Heydər Əliyev Meydanında olublar.
Dövlət başçısı və birinci xanım meydanda yerləşən Ümummilli Lider Heydər Əliyevin barelyefini ziyarət edərək onun önünə gül dəstələri qoyublar.
Bu ziyarət Prezident İlham Əliyevin Özbəkistana dövlət səfəri çərçivəsində baş tutub.
Heydər Əliyevin xatirəsinin Daşkənddə ehtiramla yad edilməsi Azərbaycan və Özbəkistan arasında tarixi dostluq və qardaşlıq münasibətlərinin, eləcə də Ümummilli Liderin iki ölkə arasındakı əlaqələrin inkişafında oynadığı mühüm rolun göstəricilərindən biri kimi qiymətləndirilir.
Qeyd edək ki, Prezident İlham Əliyevin Özbəkistana dövlət səfəri çərçivəsində Azərbaycan-Özbəkistan münasibətlərinin gələcək inkişafı ilə bağlı bir sıra mühüm görüşlər və tədbirlər keçirilib.
