Elm və Təhsil Nazirliyinin tabeliyində fəaliyyət göstərən elmi müəssisələrin optimallaşdırılması məqsədilə bir sıra institutlar birləşdirilib və yeni publik hüquqi şəxslər yaradılıb.
QanunTV.az xəbər verir ki, bununla bağlı Baş nazir Əli Əsədov müvafiq qərar imzalayıb.
Qərara əsasən, İdarəetmə Sistemləri İnstitutu və Riyaziyyat və Mexanika İnstitutunun bazasında Riyaziyyat İnstitutu adlı yeni publik hüquqi şəxs təsis olunub.
Məlumata görə, yeni yaradılan quruma direktor əvəzi təyin edilib. Bu vəzifəyə texnika elmləri doktoru Elxan Səbziyev gətirilib.
Qəbul edilən qərarla keçmiş təhsil naziri, Riyaziyyat və Mexanika İnstitutunun direktoru olmuş və tez-tez qalmaqallı açıqlamaları ilə medianın gündəminə gələn Misir Mərdanov vəzifəsini itirib.
Eyni zamanda, struktur dəyişikliyi nəticəsində keçmiş rabitə və informasiya texnologiyaları naziri Əli Abbasov da tutduğu vəzifə ilə vidalaşıb.