Uşaqların ilk sosial mühiti, ilk bilik və tərbiyə məkanı məhz məktəbəqədər təhsil müəssisələridir. Bu müqəddəs və məsuliyyətli sahədə fəaliyyət göstərən insanların üzərinə isə böyük vəzifələr düşür. Tovuz rayonunun Qovlar şəhər 1 saylı körpələr evi-uşaq bağçasının müdiri Aynurə Məmmədova da öz peşəkarlığı, yüksək məsuliyyət hissi və uşaqlara olan səmimi münasibəti ilə seçilən təhsil rəhbərlərindəndir.

Qanuntv.az-a daxil olan müraciətlərdə valideynlər bildirirlər ki, Aynurə Məmmədovanın rəhbərliyi altında bağçada uşaqlar üçün nümunəvi təlim-tərbiyə mühiti yaradılıb. Burada körpələrin sağlamlığı, təhlükəsizliyi və hərtərəfli inkişafı daim diqqət mərkəzində saxlanılır, onların bilikli və vətənpərvər ruhda formalaşmaları üçün ardıcıl işlər həyata keçirilir.

Valideynlərin fikrincə, Aynurə xanım hər bir uşağa xüsusi həssaslıq və qayğı ilə yanaşan, onların sevincini öz sevincinə çevirən rəhbərlərdən biridir. Onun idarəçilik bacarığı, kollektivlə səmimi münasibəti və işinə olan sevgisi bağçada sağlam və mehriban atmosferin formalaşmasına mühüm töhfə verib.

Qeyd olunur ki, müəssisədə uşaqların yaradıcılıq qabiliyyətlərinin inkişaf etdirilməsi, onların asudə vaxtının səmərəli təşkili və milli-mənəvi dəyərlər əsasında tərbiyə olunması istiqamətində görülən işlər valideynlər tərəfindən yüksək qiymətləndirilir. Məhz bu yanaşma nəticəsində bağça bölgənin nümunəvi məktəbəqədər təhsil müəssisələrindən biri kimi tanınır.

Aynurə Məmmədova yalnız bir rəhbər deyil, eyni zamanda gələcəyimiz olan körpələrin düzgün formalaşması naminə yorulmadan çalışan, öz peşəsinə sevgi və vicdanla yanaşan ziyalı bir pedaqoqdur. Onun fəaliyyəti məktəbəqədər təhsil sisteminin inkişafına mühüm töhfə olmaqla yanaşı, gənc nəslin sağlam gələcəyinin formalaşmasına da xidmət edir.

Qanuntv.az olaraq hesab edirik ki, belə peşəkar və fədakar rəhbərlərin fəaliyyəti hər zaman cəmiyyət tərəfindən yüksək qiymətləndirilməli, onların təhsil sahəsindəki xidmətləri örnək kimi təqdim olunmalıdır.